OPEC ATANGIN UAE A CHHUAK TA: KHAWVEL TAN ENGE?

United Arab Emirates (UAE)-in Organisation of the Petroleum Exporting Countries (OPEC) a chhuahsan ta rup mai.

He thil hi OIL (tuialhthei) chungchang thuthar mai a nilo — khawvel rorelna inthlak danglamna hial a ni.

Kum tam tak chhung chu OPEC hi oil laihchhuah leh pekchhuahna lama thawhhlawk tak leh sulsutu a ni a, khawvel a oil man zat bituk leh siamchhuah zat tur ruahmanna te chu OPEC kaltlangin Member ramte hian ro an rel thin a ni.

Mahse, tunah erawh a danglam ta!

Tun hnai kum hmasa lam deuh atangin UAE hian oil siamchhuah chu nasa takin a tipung a, amaherawh chu OPEC hian siamchhuah zat tur alo bituk ve ngar ngar thin a ni.

Chuvang chuan, zawhna ho te mai alo piang ta a:

Eng vangin nge i theihna zalen taka i hman theihlohna turah i hun i khawhral ang?

A chhanna chu: Ni lul lo e.

👉 UAE hian midang lak atanga inthununna aiin zalenna a thlang ta a ni.

He thil hi India tan enge a nih ve le?

India:

• Mihring 1.4 billion chuang
• Oil import reng mamawh
• Oil man inthlak= Sum harsatna
• Gulf countries buai= India buai
• Export aia Import nasa
• Dollar a san apianga Rupee tlahniam

India hian kumtin a mamawh zat atang 85% chuang zet mai crude oil hi ram dang atangin a la lut reng thin a, chu chuan energy mamawhna (energy security) chu policy anga hmalak mai nilo in, duhthlan theihloh (priority) pawimawh tawpkhawkah a DAH a ni.

Kum tam tak atang khan India hian langsar miah silo in:

• UAE nena energy chungchanga thawhhona lamah tan a la nasa em em a
• Hriak laihchhuahna leh dah thatna (upstream and storage) a in seng nasa em em bawk a
• Thawhopui tur ram dangte pawh a zawng kual nasa hle thin a ni

Thawklehkhata hmalak thut a nilo a; muang mar a chet lakna lam zawk ani.

Tuna chiang taka lo lang ta chu:

• UAE hian oil laichhuahna lamah zalen taka hmalak leh hralh chhuah hi a tum reng a.
• India pawh hian thawhpui tur rintlak, rei daih tur leh zalen taka energy lak theihna alo duh ve reng bawk a.

A langlo lamah: Kum 10 chhung thiam taka hmalakna

• 2014: India leh Abu Dhabi ah hruaitu thar, mamawh thuhmun
• 2015: India PM UAE a tlawh
• 2019: India company Abu Dhabi ah- URJA BHARAT
• 2021: I2U2 alo piang
• 2022: Ni 88 chhungin CEPA an sign fel
• 2023: Dollar a ngai tawhlo- Direct Rupee/Dirham
• 2024: UAE President in India a tlawh
• 2025: ADNOC in kum 14 chhung LNG agreement leh a dangte

Hei hian thawhpui tur in-mamawh tawn an nihna a tilang chiang hle.

Chutih lai mek chuan hun rei tawh tak atanga OPEC-in khawvel tuiahthei siamchhuah leh pekchhuahna lama thuneihna alo neih reng thin chu, an partner pawimawh takin a chhuahsan tak avangin, an thuneihna te chu awmzia alo nei tlem ta deuh deuh dawn tihna ani.

Eng hi nge kan zirchhuah tak chu?

Thu neitu tlemte intelkhawm (cartel) in supply an control-na atangin ➡️ Ram leh ram zalen taka indawr tawn theihna (bilateral) leh in-mammawh tawnna atanga inlaichinna tha zawk a pian tir mek a ni.

Ram thenkhat siamchawp buaina leh harsatna ang nilo, zawi muangin a hmasawn tura zalenna lamtluang zawk ani. India hi a vannei thut dawn a nilo a — hun rei tak atanga an lo inbuatsaih lawkna rah vang a ni e.